სტატიები

ორსულობის მთელი ცხრა თვე ველოდებით პატარას დაბადებას. წარმოვიდგენთ, თუ როგორი იქნება ის, გვიხარია, როდესაც პირველად ვხედავთ მის გამოსახულებას ულტრაბგერითი გამოკვლევის დროს, ზედმიწევნით ვასრულებთ ექიმის რეკომენდაციებს, ვცდილობთ არ ვინერვიულოთ, დიდი დრო გავატაროთ სუფთა ჰაერზე.

ჩასახვა, ორსულობა, მშობიარობა, ძუძუთი კვება – ბუნების სრულყოფილი და განუმეორებელი საჩუქრებია.
    ხშირად, ძუძუთი კვება ახალგაზრდა დედებში მრავალ კითხვას იწვევს. ერთად შევეცადოთ ამაში გარკვევა!

ძუძუთი, ანუ ბუნებრივი კვება წარმოუდგენლად სასარგებლო და შეუცვლელია ახალშობილის სწორი განვითარებისა და ზრდისათვის. მეძუძურმა დედამ აუცილებლად უნდა დაიცვას განსაკუთრებული წესები ლაქტაციის მთელი პერიოდის განმავლობაში.

ძუძუთი კვება –შემადგენლობით იდეალური და ბუნებრივი კვება ჩვილისთვის. ბრაუნის უნივერსიტეტის (აშშ) მეცნიერებმა დაამტკიცეს, რომ ძუძუთი კვებაზე მყოფმა ბავშვებმა, აჩვენეს ტვინის განვითარების საუკეთესო მაჩვენებლები იმ ბავშვებთან შედარებით, რომლებიც ღებულობდნენ შერეულ და ხელოვნურ კვებას.
    როგორ უზრუნველვყოთ ჩვილი რძის საკმარისი რაოდენობით? როგორ მოიპოვოს ახალგაზრდა დედამ თავდაჯერებულობა იმაში, რომ მისი რძე შეიცავს სასარგებლო ნივთიერებებისა და ვიტამინების საჭირო რაოდენობას? როგორ გააძლიეროს და შეუწყოს ხელი თავის საკუთარ ორგანიზმს? ჩვენ გვაქვს პასუხები ამ კითხვებზე!

ახალგაზრდა დედის მღელვარება იმის თაობაზე, ყოფნის თუ არა პატარას რძე, სრულიად გასაგებია. რძე ხომ ერთადერთი წყაროა სრულფასოვანი საკვები ნივთიერებებისა, რომელიც აუცილებელია ბავშვის ზრდისა და განვითარებისთვის სიცოცხლის პირველ თვეებში. ყველაზე თანამედროვე რძის ნარევებიც კი შემადგენლობის მიხედვით ვერ “შეედრებიან” მას. ამიტომ სასურველია, რომ დედამ გააკეთოს ყველაფერი, რაც შესაძლებელია, რათა ახალშობილმა მიიღოს რძე საჭირო ოდენობით. როგორ გავიგოთ, ჰყოფნის თუ არა რძე თქვენს ბავშვს, და როგორ ვიმოქმედოთ, თუ რძე საკმარისი არ არის?